Bideo honen gaia interneten hedapen eta aurrerakuntza da, zelako azkar zabaldu diren eta gaur egun denok bizi garelako internetari konektaturik. Interneta, infomazioa bilatzeko eta konpartitzeko tresna ikaragarria dela deritzot baina ez da dena horren polita. Sare sozialak direla eta kontrol sozial ikaragarria dago mundu honetan eta inork ez dauka intimitaterik, denek dakite non egon naizen oporretan, pozik edo triste banago... Eta hori hein handi batean, geure errua da, guk jartzen dugulako geure informazioa denen eskura.
Bideo honetan, komunikabideen desagerpena aipatzen da, hori horrela gertatuko da gaur egun ere gero eta gehiago interneten bidez ikusten ditugulako albisteaz, erosoago eta arinago egin genezakeelako. Hala ere, komunikabideak ezezik beste mila gauza ere desagertuko dira, eta makinen mundua izango da gure planeta hau. Penagarria benetan. Honetaz aparte, bideoan bigarren bizitza bat edukitzea ere aipatzen da, hori lotsagarria iruditzen zait. Zertarako? Ez naiz gai hori ulertzeko. Internetek parte on asko dituela pentsatzen dut baina txarrak ere hainbeste dira.
Ondorioz, eskolak erantzunkizun eta betebehar handia duela uste dut, batetik ikasle kritikoak sortu behar ditu interneteko informazio dena siñestu ez dezaten eta baita interneten arriskuen inguruan kontzientziozioa landu. Eta guk geuk ere lan handia daukagu geurekiko, ezin gara interneten aislatuta bizi, hori ez da bizitza. Bizitza ingurukoekin aurrez aurre egon eta datorrena datorrela aurre eginez aurrera egitea da. Beti aurrera!
No hay comentarios:
Publicar un comentario